«Астана» клубы «Атлетикоға» қарсы екінші құраммен ойнайды

«Астана» футбол клубы Чемпиондар лигасының топтық кезеңі аясында «Атлетикоға» қарсы екінші құраммен ойнайды, деп хабарлайды Bnews.kz.

Испаниялық басылымдардың хабарлауынша, Мадридке «Астана» клубының негізгі құрамының алты ойыншысы – Таңат Нөсербаев, Бауыржан Жолшиев, Рохер Каньяс, Неманья Максимович, Дмитрий Шомко және Марин Аничич бармаған.

«Астана» бапкерлері бұл футболшыларды шаршатпай, Қазақстан премьер-лигасының қорытынды матчтарына тың күшпен шығуын ойластырған болар, деп топшылап отыр испаниялық басылымдар.

Естеріңізге саламыз, «Атлетико» (Мадрид) – «Астана» арасындағы матч қазанның 21-інен 22-іне қараған түні сағат 20:45-те өтеді. Ал Қазақстан уақытымен ойын 22 қазан күні түнгі 00:45-те басталады.

Дереккөз: bnews.kz