АИ-80 бензинін мемлекеттік реттеу алынып тасталуы ықтимал

АСТАНА. ҚазАқпарат - АИ-80 бензинін мемлекеттік реттеу алынып тасталуы мүмкін. Бұл туралы бүгін «21 ғасырдың ядролық технологиялары және таратпау мәселелері» атты халықаралық конференция аясында БАҚ өкілдеріне сұхбат берген ҚР Энергетика министрі Владимир Школьник мәлім етті.

Сұхбат барысында министр АИ-80 бензинінің шекті бағасы өз деңгейінде қалатындығын атап өткенімен бұл марканы мемлекеттік реттеу алынып тасталуы керектігін баса айтты.

«Меніңше, күзгі жанармай тұтынылуы өте жоғары осынау ауыр кезең аяқталғаннан кейін, шамамен қараша айында бұл мәселеге оралатын боламыз», - деді ол.

Сонымен қатар В.Школьник алдағы уақытта АИ-80 маркалы бензин өндірісі тоқтатылатындығын атап өтті.

Дереккөз: inform.kz