Астанада жол ережесін бұзған кортеж ІІМ қызметкерінің баласының үйлену тойы екені расталды

АСТАНА. ҚазАқпарат - Қазақстан Республикасының Ішкі істер министрлігі Астана қаласында жол ережесін өрескел бұзған кортеж ІІМ Әкімшілік полиция комитеті төрағасының орынбасары Бақытжан Балташевтің баласының үйлену тойына келген кортеж екенін растады. Бұл туралы министрліктің баспасөз қызметі хабарлап отыр.

«Астана қаласында Әкімшілік полиция комитеті төрағасының орынбасары Балташевтің баласының үйлену тойын атап өтуші - үйлену тойы шеруіне қатысушылар, сонымен бірге жалға алынған көліктің жүргізушілері жол қозғалысы қауіпсіздігін бұзғаны үшін әкімшілік жауапкершілікке тартылды»,-деп хабарлады ІІМ баспасөз қызметі.

Дереккөзіне сүйенсек, қазіргі уақытта осы факт бойынша қызметтік тексеріс жүргізілуде. «Тексерудің нәтижесі қосымша хабарланатын болады»,-делінген хабарламада.

Дереккөз: inform.kz