Астанада «Қазақстан – Корея достық бақшасы» ашылады

Табиғи ресурстар мен табиғатты пайдалануды реттеу басқармасының ақпаратынша, Астана қалалық әкімдігінің халықаралық серіктестік бөлімі өкілдері және Корея Республикасының орман шаруашылығы қызметі өкілдерінің қатысуымен «Қазақстан – Корея достық бақшасын» ашу туралы келіссөздер жүргізілді, деп хабарлайды astana.gov.kz.

Аталған жобаны Корея Республикасының 1 млн доллар көлеміндегі инвестициялық қаржысы есебінен жүзеге асыру жоспарлануда.

Достық бақшасын құрудағы мақсат серіктестікті нығайту және Халықаралық ЭКСПО-2017 көрмесін өткізу кезінде қала тұрғындары мен қонақтарының демалыс орындарын дамыту болып табылады.

Кеңес қорытындысы бойынша Астана қаласының әкімдігі мен Корея Республикасының орман шаруашылығы қызметі арасында «Қазақстан – Корея достық бақшасы» жасыл аумағын құрудағы серіктестік бойынша өзара келісім туралы Меморандумға қол қойылды.

Дереккөз: bnews.kz