В Атырау
+1 
Қарағанды облысында құрылысшылардың жаппай төбелесінен 3 адам зардап шекті, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.
"Нысандардың құрылысына тартылған ЖШС-лардың бірінің құрылысшыларының арасында төбелес шығып, оның нәтижесінде үш адам медициналық мекемеге жеткізілді. Полиция қызметкерлері төбелескендердің барлығын ұстады, мән-жайы анықталып жатыр", - деп хабарлады полициядағылар. Болған оқиға дерегі бойынша тергеу жүріп жатыр. Әзірше оқиғаның себеп-салдары нақтыланбай отыр.
Еске сала кетейік, биылғы наурызда Қарағанды облысындағы жаппай төбелес шығып, ол Интернетте таралған болатын. Сол уақытта Теміртау қаласында ер адамдардың төбелескені анықталды. Кейін тәртіп сақшылары жаппай төбелесті Павлодар қаласынан келгендердің шығарғанын хабарлады. Салдарынан 20 адам ұсталып, "Бұзақылық" бабы бойынша соталды тергеу басталған болатын.
Дереккөз: tengrinews.kz