Қостанайда әкімнің тағы бір орынбасары ұсталды

Қостанайда әкімнің тағы бір орынбасары ұсталды. Бұл мәліметтіTengrinews.kz тілшісіне Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігіндегі дереккөз бейресми түрде растады.

"Наша Газета" басылымының мәліметінше, Қостанай әкімінің коммуналдық мәселелер жөніндегі орынбасары Фрунзик Аракелян ұсталған. Антикоррупциялық қызметтің қызметкерлері оның жұмыс бөлмесінен құжаттарды тәркіледі. Басылымның құқық қорғау органдарына жақын дереккөзі Аракелянның да, әкімнің тағы бір орынбасары Мақсұт Қалиевтің де Қостанайдағы халыққа қызмет көрсету орталығының құрылысына байланысты іске тартылып отырғанын хабарлады.

Еске салайық, таяуда Қостанай әкімінің орынбасары Мақсұт Қалиевтің ұсталғаны хабарланды. Бүгін Қостанай қалалық №2 соты оны қамауға алуды санкциялады. Сонымен қатар, кәсіпкер Гагик Овнанян да ұсталып отыр. Ол әкім орынбасарына пара берді делінеді.

"Алдын ала мәлімет бойынша, Мақсұт Қалиев әуежай маңында Халыққа қызмет көрсету орталығының (АвтоЦОН) құрылысы кезінде "Сыл" ЖШС-ның мүддесін лоббилеген. Оның Овнянин Гагиктен алған парасы жалпы құны бір миллиард теңгеден асатын құрылыс мердігерлік бюджетінің 50 пайызына дейін жететін пара саналады", - деп жазады Tobolinfo.kz.

Дереккөз: tengrinews.kz