В Атырау -10 
Павлодар облысында сұйытылған газы бар цистерналар темір жолда аударылып қалды, - деп хабарлайды Tengrinews.kz тілшісі "Қазақстан темір жолы" ҰК" АҚ баспасөз қызметіне сілтеме жасап.
"2015 жылы 15 шілдеде Павлодар жол бөлімі Екібастұз-Ерейментау учаскесінің Шідерті станциясында №2113 жүк пойызының сұйытылған газға толы үш цистернасы рельстен шығып кетті. Пойыздардың қозғалысы көршілес жолдармен жүзеге асырылып жатыр", - дейді баспасөз қызметіндегілер.
Апаттың салдары қалпына келтіріліп жатыр. Қаза болғандар мен зардап шеккендер жоқ. Жолаушылар пойыздарының кешігуі туралы хабар түспеді. Оқиғаның себептерін анықтау үшін "Қазақстан темір жолы" ҰК" АҚ-та арнайы комиссия құрылды. Оқиға салдарын жою жұмыстарына Павлодардың жол бөліміне тиесілі қалыпқа келтіру жабдықтары қолданылып жатыр.
Дереккөз: tengrinews.kz