В Атырау -11 
Алматы. 18 маусым. ҚазТАГ – Шығыс Қазақстан облысының Аягөз ауданында ҚР Ұлттық қауіпсіздік комитетінің облыстық департамент және облыстық ІІД қызметкерлері террорзимді әлеуметтік желілер арқылы насихаттап жүрген екі тұрғынын ұстады.
«12 маусымда ҚР ҚК 256 б. 2 т. бойынша (терроризмді насихаттау немесе террорлық актіге жариялы түрде шақыру, аталған мазмұндағы материалдарды тарату мақсатымен жасау, сақтау және осындай материалдарды тарату) қылмыстық істегі соталды тергеу аясында Аягөз қаласының екі тұрғыны ұсталды», - делінген бейсенбі күні прокуратура сайтындағы хабарда.
Хабарда айтылғандай, соталды тергеуге және ұстауға себеп болғаны - аталған тұлғалар әлеуметтік желілер арқылы терроризм және діни экстремизм идеяларын насихаттап, сондай-ақ Қазақстан азаматтарын халықаралық террорлық ұйымдардың құрамында соғысу үшін шетелге шығарып жіберумен айналысып жүргендігі.
Ұсталған тұлғалардың тұратын жерлерін тінту барысында олардан едәуір оқ-дәрілер, діни экстремизмді насихаттайтын әдебиеттер, аудио- және бейнематериалдар табылған.
Ұсталғандарға қатысты қамау шарасы қолданылды. Тергеу-оперативтік шаралар жалғасуда.
Дереккөз: ҚазТАГ