В Атырау -10 
Алматы. 8 маусым. ҚазТАГ – Россельхознадзор Қазақстанның солтүстігіндегі киіктердің қырылу себебін геморрагиялық септицемия деп атады, деп хабарлады РФ федералды ветеринарлық және фитосанитарлық қадағалау қызметінің баспасөз қызметі.
«2015 жылдың 1-2 маусымында Россельхознадзорға ведомстволық бағынышты «Федералды жануарлар денсаулығын қорғау орталығы» ФМБМ аса қауіпті аурулар бойынша референттік зертхана қызметкерлері ҚР Ақмола, Ақтөбе және Қостанай облыстарының киіктерінен алынған патматериалға зерттеу жүргізді», - делінген Россельхознадзор хабарында.
Сөйтіп, орталық мамандарының жүргізген зерттеулерінің нәтижесінде аусыл, ҰҚМ обасы, қой-ешкі шешегі мен блютанг жоққа шығарылды.
«Зерттелген барлық сынамалардан В типті Pasteurella multocida табылды – геморрагиялық септицемия қоздырғышы», - деп атап көрсетілген хабарда.
Орталық қызметкерлерінің қорытындысына сай, анықталған дерт Қазақстандағы киіктердің жаппай қырылуына себеп болған.
Геморрагиялық септицемия – дертке шалдыққан жануарлар өлімінің жоғары деңгейімен сипатталатын өткір септикалық ауру.
Дереккөз: ҚазТАГ