«Subaru» компаниясы Қазақстанда сатылған 400-ден астам автомобильді кері қайтарып алып жатыр

АСТАНА. ҚазАқпарат - «Subaru Kazakhstan» дистрибьюторы Takata Corp компаниясының қауіпсіздік жастықшаларымен жабдықталған 2004-2007 жылғы «Impreza/WRX» модельді көліктерді кері қайтару науқаны басталғанын хабарлады, деп жазады «Астана Моторс» компаниясының ресми сайтында.

«Subaru», «Fuji Heavy Industries» автомобильдері өндірушілердің сөзіне қарағанда, бұған Қазақстандағы ресми делдалдар арқылы сатылып алынған 405 автомобиль кіреді.

«Бүған ұзақ уақыт бойы пайдаланылған көліктің қауіпсіздік жастықтарының газогенераторына ылғал кіріп, оның кенеттен іске қосылуынан жолаушының жарақаттануы ықтимал екені себеп болған», делінген таратылған хабарламада.

Дереккөз: inform.kz