Назарбаев Үкімет басшысы қызметіне Мәсімовті ұсынды

Мемлекет басшысы Ақордада Парламент Мәжілісі фракциясының басшыларымен кездесу өткізіп жатыр, - деп хабарлайды Tengrinews.kzтілшісі Ақорданың Тwitter-іне сілтеме жасап.

Кездесу барысында Назарбаев Үкімет басшысы қызметіне Мәсімовті ұсынды.

Еске сала кетейік, бүгін Астанада Президентті ұлықтау рәсімі өтті. Осыдан кейін Мемлекет басшысы министрлер кабинетінің өкілеттігін доғаруға байланысты "Қазақстан Республикасының Үкіметі туралы" жарлыққа қол қойды. Сонымен қатар, облыс әкімдері және Астана мен Алматы қалаларының басшылары отставкаға кетіп, мемлекеттік органдардың Қазақстан Президентіне бағынышты және есеп беруге міндетті басшылары қызметін босатты.

Қазақстан Республикасы Президентінің кезектен тыс сайлауы 26 сәуірде өтті. Сайлаушылар саны рекордтық көрсеткішке жетті. Қазақстандықтардың 95,21 пайызы дауыс берді. ҚР ОСК нақты мәліметінше, Нұрсұлтан Назарбаев 97,75 пайыз дауыс жинады.

Дереккөз: tengrinews.kz