Назарбаев Қазақстан халқына Ант берді

Астанада Президентті ұлықтау рәсімі өтті. Қайта сайланған Нұрсұлтан Назарбаев Қазақстан халқына Ант беріп, жаңа президенттік мерзімге ресми түрде кірісті, - деп хабарлайды Tengrinews.kz тілшісі.

Конституцияға қол қойған ол Қазақстан халқына ант берді.

Ұлықтау рәсімінен бұрын Мемлекет басшысының құрметіне зеңбіректен бес рет оқ атылған, ол оның билік жүргізетін мерзімін білдіреді.

Еске сала кетейік, 26 сәуірде Қазақстанда кезектен тыс президент сайлауы өтті. Қазақстандықтардың 95 пайызы сайлауда дауыс берді.

Орталық сайлау комиссиясының алдын ала мәліметі бойынша, Нұрсұлтан Назарбаевқа сайлаушылардың 97,7 пайызы дауыс берді.

Дереккөз: tengrinews.kz