Батыс Қазақстанда автобус аударылып, 4 адам қаза тапты

Батыс Қазақстан облысында жолаушылар автобусының қатысуымен жол-көлік оқиғасы орын алды, деп хабарлайдыBNews.kz тілшісі. Апат салдарынан 4 адам қаза тауып, тағы екеуі ауыр халде жатыр.

Облыстық денсаулық сақтау басқармасының мәліметінше, 6 сәуірде таңғы сағат 5:30-да Алғабас ауылының жанындағы Сырым ауданында ішінде 64 жолаушысы бар жолаушылар автобусы аударылды.

«Алдын-ала мәліметке сәйкес, 16 адам түрлі жарақаттарымен облыстық клиникалық ауруханаға жеткізілді, 2 адам ауыр халде жатыр. Оқиға орнынан 4 адамның мәйіті табылды», - деп мәлімдеді облыстық денсаулық сақтау басқармасының баспасөз хатшысы Флюра Саматова.

Сырым тас жолындағы апат куәгерлерінің айтуынша, барлық қаза болғандар мен жарақаттанғандар – Шымкенттен Мәскеуге бара жатқан Өзбекстан азаматтары.

Дереккөз: bnews.kz