В Атырау +11.1 
23 қазанда Атырау тергеу изоляторында қамаудағылар өздеріне зиян келтіруге тырысқан жанжал орын алды. Мекеме әкімшілігіне жедел жәрдем шақыруға тура келді.
«Ақ Жайық» дереккөздерінің мәліметінше, сотталушылар карантиндік блоктағы адамдарды басқа жаққа ауыстыруды талап еткен. Олардың талаптары орындалмағаннан кейін кейбіреулері денесін кесіп, өзге де жарақаттар сала бастаған. Сондай-ақ өзіне өзі қол жұмсау әрекеттері болғаны хабарланды.
Атырау облысы бойынша қылмыстық-атқару жүйесі департаменті оқиғаны растап, оқиғаға ауыр және аса ауыр қылмыс жасады деп айыпталған бес адамның қатысқанын нақтылады. Ведомствоның мәліметінше, олар белгіленген ұстау режиміне көңілі толмайтынын білдіріп, бейнебақылау камераларын жауып, өз-өзіне қол жұмсау әрекеттерін жасаған.
Нәтижесінде шамалы өзін-өзі жарақаттау деректері тіркелді. Келген дәрігерлер қажетті көмек көрсетті, алайда ҚАЖД мәліметінше, ешкімді ауруханаға жатқызу қажет болған жоқ. Барлық қатысушылардың жағдайы тұрақты.
Осылайша, бұған дейін редакцияға келіп түскен үш сотталушының ауруханаға жеткізілгені туралы ақпарат расталмады.
Топтық бағынбаушылықты ұйымдастыру дерегің бойынша қылмыстық іс қозғалды. ҚАЖД қазіргі уақытта тергеу изоляторындағы жағдайдың тұрақты екенін, мекеме штаттық режимде жұмыс істеп жатқанын хабарлады.
Анастасия ШЕРСТЯНКИНА