В Атырау +25 
Оқиға 15 қазанда түске дейін болды: 42 жастағы ер адам бес метрдей биіктіктегі құрылыс құрылғысынан құлап кетті. Зардап шегуші облыстық ауруханаға жеткізілді.
Алдын ала мәлімет бойынша, ер адам нейрохирургия бөлімінде жатыр. Оған ота жасалуы мүмкін. Оның жанында тағы бір жұмысшы болған, ол жеңіл жарақат алған. Медициналық тексеруден кейін ол үйіне жіберілді.
Теміржол вокзалын қайта жаңғыртуды осы жылдың наурыз айында бастаған «Батыс Альянс Строй» ЖШС жүргізіп жатыр.
Айта кету керек, осы жылдың 4 шілдесінде ҚТЖ басқарма төрағасы Талғат Алдыбергенов нысанды тексеру кезінде құрылыс жұмыстарының ұйымдастырылуын сынға алған болатын. Еңбек қорғау мен өндірістік қауіпсіздік талаптарының сақталмауын, мердігер ұйымдарға бақылаудың жеткіліксіздігін және жұмысшылар мен техниканың тапшылығын атап өткен еді. Ол кезде ҚТЖ басшылығы анықталған бұзушылықтарды жоюды талап еткен.
Кейін Атырау облысының әкімі Болат Ақшолақов жұмысты екі ауысымды режимге ауыстыруды, құрылысшылар санын көбейтуді және жұмысты 2026 жылдың қыркүйек айында аяқтауды тапсырды. Соңғы мерзім болып қазан айы белгіленген.
«Ақ Жайық» бүгінгі оқиғаның мән-жайын Атырау облысының полиция департаментінен, ал ауруханаға түскен жұмысшының жағдайын облыстық денсаулық сақтау басқармасынан анықтап жатыр.
Анастасия ШЕРСТЯНКИНА