В Атырау +20 
Ақмола облысында Есіл ауданының 38 жастағы тұрғынының өліміне байланысты қылмыстық іс қозғалды. Ол аудандық ауруханада терапевт болып жұмыс істеген. Бұл туралы Naуza_kokshe хабарлайды.
Ақмола облысы Полиция департаментінің баспасөз қызметінің мәліметінше, алдын ала болжам бойынша, әйел өз-өзіне қол жұмсаған.
Полицияның хабарлауынша, сотқа дейінгі тергеп-тексеру жалғасып жатыр. Қазіргі уақытта оқиғаның себептері мен мән-жайлары анықталуда. ҚР Қылмыстық-процестік кодексінің 201-бабына сілтеме жасай отырып, істің өзге де деректері жарияланбайды.
БАҚ мәліметінше, қайтыс болардан аз уақыт бұрын әйел Көкшетаудағы Экономикалық тергеп-тексеру департаментінде қылмыстық іс бойынша куәгер ретінде жауап берген.
Хабарланғандай, жауап алуға дейін ол Алматыдағы демалысынан оралған. Ал тергеу әрекеттері барысында оның телефоны тәркіленген.
Кейін дәрігер жұмысқа келмей қалған. БАҚ ақпараты бойынша, оны әпкесі тауып алған.
Оқиғаның мән-жайы анықталып жатыр. Тергеу әрекеттері мен әйелдің өлімі арасындағы байланыс ресми түрде расталған жоқ.