В Атырау +23.8 
Теміртауда 52 жастағы ер адам мен 49 жастағы әйелдің өліміне қатысты қос кісі өлтіру дерегі тергеліп жатыр.
«Криминальный Казахстан» Telegram-арнасының хабарлауынша, ерлі-зайыптылардың мәйіттері 7 қазанда Республика даңғылындағы пәтерлердің бірінен табылған.
Қарағанды облысының Полиция департаменті аталған факті бойынша «Адам өлтіру» бабы бойынша қылмыстық іс қозғалғанын хабарлады.
Жедел-іздестіру іс-шаралары барысында полиция марқұмдардың 20 жастағы ұлын ұстады. Ол ата-анасын өлтіруге қатысы бар деген күдікке ілінді.
Күдікті уақытша ұстау изоляторына қамалды.
Тергеу жалғасып жатыр. Іске қатысты өзге мәліметтер тергеу мүддесіне байланысты әзірге жария етілмейді.
Бүгін, 14:04