В Атырау +17.8 
Парижде жарияланған мәлімдемесінде ол мұндай қадамды «Ұлыбритания үшін де, Еуропа үшін де өте жақсы жаңалық» деп атады, деп хабарлайды АА.
Макрон Испания премьер-министрі Педро Санчеспен Мадридте өткен бірлескен баспасөз мәслихатында сөйлеп, Ұлыбритания премьер-министрі Энди Бернхэмнің елдің ЕО-ға қайта қосылуы мүмкін деген пікірін қолдады.
Франция басшысы британ халқына «қайта оралыңыздар» деп үндеу жасады. Оның айтуынша, егер Бернхэм осы бағытта әрекет етсе, бұл шешім екі тарапқа да пайда әкелмек.
Макрон сондай-ақ Франция мен Ұлыбритания арасындағы қорғаныс, қауіпсіздік және миграция салаларындағы ынтымақтастық жалғасып жатқанын атап өтті.
«Бұл дұрыс шешім. Ол мұндай батылдық танытып отырғаны орынды», – деді ол Бернхэмнің ұстанымына қатысты.
Сонымен бірге Макрон ЕО артықшылықтарын пайдаланып, оның міндеттемелерінен бас тарту мүмкін еместігін ескертті.
Франциядағы жағдайға тоқталған президент жастардың климат пен геосаяси мәселелерге алаңдаушылығын түсінетінін, бірақ ешқандай наразылық немесе пікірталас зорлық-зомбылықты ақтай алмайтынын айтты. Ол мектеп оқушыларының бірнеше күннен бері жалғасып жатқан акцияларындағы тәртіпсіздіктер үшін жергілікті саясаткерлерді жауапты деп атады.
«Барлығын сабырға шақырамын», – деді Макрон.
Президент антисемитизмге қарсы күрес Франция үшін басым бағыт болып қала беретінін мәлімдеді. Ол «Ұлттық бірлестік» партиясының жетекшісі Жордан Барделлаға тиесілі делінген жазбаларды «өте ауыр әрі қабылдауға болмайтын» деп атап, түсініктеме беруді талап етті.
Еске сала кетсек, бұған дейін Ұлыбритания премьер-министрі Энди Бернхэм Brexit елге пайдадан гөрі зиян әкелгенін айтып, өз өмірінде Ұлыбританияның ЕО-ға қайта қосылғанын көргісі келетінін жеткізген болатын.