В Атырау +18.8 
АҚШ президенті Дональд Трамп Украина мен Ресей бір-бірінің энергетикалық нысандарына соққы жасамауға келіскенін хабарлады, деп жазады АА.
Бұл туралы ол әлеуметтік желідегі жазбасында мәлімдеді: «Украина Ресейдің энергетикалық нысандарына соққы жасамауға келісті. Ресей де дәл солай әрекет етуге келісім берді. Дүниежүзі бойынша дизель отыны бағасының өсуінің басты себебі Иран емес, ең алдымен Ресей–Украина соғысы», – деп жазды Трамп.
Өткен аптада АҚШ-та дизель отынының орташа бағасы алғаш рет бір галлон үшін 6 доллардан асып, жеткізілімдегі қиындықтарға байланысты рекордтық деңгейге жетті.
Американдық автомобиль қауымдастығының (AAA) дерегінше, бүгінгі таңда АҚШ-та дизельдің орташа бағасы 6,23 долларды құрап отыр. Бұл – бұрын-соңды болмаған көрсеткіш.