​Атырауда Renaissance by Crystall қонақ үйінде өрт шықты

Төтенше жағдай 3 қыркүйек күні кешке Сәтбаев даңғылы, 15 мекенжайында орналасқан қонақ үйде болды.

ТЖД-ға хабарлама сағат 19:26-да түскен. Құтқарушылардың мәліметінше, жеті қабатты ғимараттың екінші қабатындағы бойлер бөлмесінде құбырлардағы жылу оқшаулағыш материал жанған.

Оқиға орнына ТЖД-ның 29 қызметкері мен жеті бірлік техникасы жіберілді. Сондай-ақ Апаттар медицинасы орталығының үш қызметкері мен бір бірлік техникасы жетті.

ТЖД деректері бойынша зардап шеккендер жоқ. Өрттің шығу себебі анықталуда.

Айнұр САПАРОВА

Суретті түсірген автор