
Атырауда ауаның ластануына қатысты тұрғындардың шағымынан кейін басталған мұнай өңдеу зауытына прокурорлық тексеру жүргізу жұмыстары желтоқсанның аяғына дейін ұзартылды. Бұл ақпаратты «Ақ Жайыққа» АМӨЗ баспасөз қызметі растады.
Тексеру 8 қазанда басталып, алғашында 30 жұмыс күніне есептелген болатын. Оны Экология департаментінің, Санитариялық-эпидемиологиялық бақылау департаментінің және Төтенше жағдайлар департаментінің мамандарын тарта отырып мамандандырылған табиғат қорғау прокуратурасы жүргізіп жатыр.
Тексерушілер табиғат қорғау заңнамасының сақталуын, кәсіпорынның өнеркәсіптік шығарындыларын және экологиялық талаптардың орындалуын зерттеп жатыр.
Осылайша, нәтижесі қараша айында күтілген тексеру жыл соңына дейін жалғасады. Оның алдын ала қорытындысы туралы әлі хабарланған жоқ.
Анастасия ШЕРСТЯНКИНА
В Атырау +4.1