В Атырау +26.8 
Қаладағы жол инфрақұрылымын дамытуға бағытталған 32 жоба қолға алынған.
Оның ішінде 12 жоба – жолдарды қайта жаңарту, 10 жоба – жаңа жол салу, 4 жоба – орташа жөндеу, ал қалған 6 жоба жаяу жүргіншілер инфрақұрылымын жетілдіруге арналған.
Жеңіс саябағы мен «Жайық» BINOM мектебі аумағында, Канцев көшесіндегі Caspian BINOM мектебі маңында жаңа жолдар салынып жатыр. Сонымен қатар 5-ші сүзгілеу станциясына және оң жағалаудағы кәріздік-тазарту құрылыстарына апаратын жолдар жаңартылуда.
Махамбет пен Абай көшелерінде орташа жөндеу жүргізілсе, Жастар көшесінен Еркінқала ауылдық округіне дейінгі жол толық реконструкциялануда. Тайманов көшесінен Сарыөзек көпіріне дейінгі және Бигелдинов көшесіндегі жолдар да күрделі жөндеуден өтуде.
Қала жолдарындағы ойықтарды тегістеу жұмыстары жүйелі түрде жүргізіліп, жалпы көлемі 50 мың шаршы метрді құрады.
Бұл жобалар қала тұрғындарының қатынасын жеңілдетіп, жол қауіпсіздігін арттыруға және инфрақұрылымды жаңартуға бағытталған.