Президенттің кадрлық шешімдері: ҚР Әділет министрі тағайындалды

Мемлекет басшысы Қасым-Жомарт Тоқаевтың Жарлығымен Ерлан Сәрсембаев Қазақстан Республикасының Әділет министрі қызметіне тағайындалды.

Білімі, мамандығы (біліктілігі), лицензиялары:

• Алматы энергетика және байланыс институты (1997)

  Мамандығы: «Радиоинженер»

• Д.А. Қонаев атындағы Гуманитарлық университет (2000)

  Мамандығы: «Құқықтану»

Еңбек өтілі:

• ҚР Премьер-Министрі Кеңсесінің Қорғаныс және құқық тәртібі бөлімі секторының консультанты, меңгерушісі (2002–2005);
• ҚР Парламенті Сенаты Аппаратының Халықаралық қатынастар, қорғаныс және қауіпсіздік комитетімен өзара іс-қимыл жөніндегі бөлім меңгерушісінің орынбасары, Әлеуметтік-мәдени даму комитетімен өзара іс-қимыл жөніндегі бөлім меңгерушісі (2005–2011);
• ҚР Ұлттық қауіпсіздік органдарында қызмет атқарып, ҚР ҰҚК Құқықтық департаменті бастығының орынбасары, бастығы лауазымдарында жұмыс істеді (2011–2016);
• ҚР Парламенті Сенаты Аппаратының Әлеуметтік-мәдени даму және ғылым комитетімен өзара іс-қимыл жөніндегі бөлім меңгерушісі (2016–2017);
• ҚР Парламенті Сенаты Аппараты басшысының орынбасары (2017–2019);
• ҚР Парламенті Сенаты Аппаратының Халықаралық қатынастар, қорғаныс және қауіпсіздік комитетімен өзара іс-қимыл жөніндегі бөлім меңгерушісі (2019–2022);
• Қазақстан Республикасының Конституциялық Сотының судьясы (01.01.2023–16.01.2025);
• Қазақстан Республикасының Әділет министрі (09.01.2025 бастап).