В Атырау +28.2 
Ақтөбе облысында Ресеймен шекарада орналасқан «Әлімбет» автокөлік өткізу бекетін ауқымды қайта жаңарту жұмыстары жүргізілуде. Жаңғыртудан кейін оның өткізу қабілеті үш есеге өсіп, тәулігіне 700-ден 2,5 мың көлік пен автобусқа дейін артады, деп хабарлайды «ҚазАвтоЖол».
Шекаралық өткел Қарғалы ауданында ресейлік «Орск» бекетіне қарсы орналасқан және тәулік бойы жұмыс істейді.
Қайта жаңартылғаннан кейін не өзгереді:
Қозғалыс жолақтары: жолақтар саны әр бағытқа қарай төртке дейін кеңейтіледі (үшеуі стандартты көлік үшін, біреуі габаритті емес жүктерге арналған);
Инспекция мен тексеру: жеңіл көліктер мен автобустарға арналған арнайы алаңдар жабдықталып, қолмен тексерусіз жүктерді сканерлейтін заманауи инспекциялық-тексеру кешені орнатылады;
Жұмыс жылдамдығы: бір автокөлікті рәсімдеу уақыты төрт минутқа дейін қысқарады;
Жолаушылар ағыны: бекет тәулігіне 3 мыңға дейін адамды қабылдай алатын болады (екі есеге өсу).
Жаңартылған нысанды ағымдағы жылдың соңына дейін пайдалануға беру жоспарланған. Жалпы, Қазақстан РФ-мен шекарадағы 30 өткізу бекетін жаңғыртуды көздеп отыр.