В Атырау +7.3 
ҚР Денсаулық сақтау министрлігі кәсіби жауапкершілікті, сондай-ақ медицина қызметкерлерінің өмірі мен денсаулығын сақтандыру жүйесін едәуір кеңейтетін түзетулер жобасын әзірледі.
Негізгі жаңашылдықтар:
Шабуылдардан қорғау: Медицина қызметкерінің қызметтік міндеттерін атқару кезінде үшінші тұлғалардың зорлық-зомбылық әрекеттері салдарынан өміріне немесе денсаулығына зиян келтірілген жағдайда сақтандыру төлемдерін жүзеге асыру заңнамалық тұрғыдан бекітіледі.
Білім алушыларды қамту: Кәсіби жауапкершілікті сақтандыру дәрігер-интерндер мен дәрігер-резиденттерге олардың бүкіл оқу кезеңіне таратылады.
Бірыңғай стандарт: Медицина қызметкерлерінің өмірі мен денсаулығын бірлесіп сақтандырудың үлгілік шарты енгізіледі.
Процестерді оңтайландыру: Шарттарды жасасу, сақтандыру төлемдерін жүзеге асыру және медицина қызметкерлері, клиникалар, пациенттер мен Бірыңғай сақтандыру пулын басқарушы арасындағы өзара іс-қимыл тәртібі жетілдіріледі.
Қазіргі уақытта құжат «Ашық НҚА» порталында орналастырылған. Оны жария талқылау 16 қыркүйекке дейін жалғасады.