Майкөмгенде зиянкестермен күреске 3,8 млн теңге бөлінді

46 рет қаралды

Жылыой ауданының Майкөмген ауылының тұрғындары соңғы бес жылда ауылда термиттердің едәуір көбейіп кеткенін айтып жатыр. Жәндіктер үйлердің ағаш бөліктерін — есіктерді, едендерді және төбенің тастамаларын бүлдіріп жатыр.

— Олар ағашты ішінен жеп қояды. Бұрын мұндай көп болмайтын, ал қазір жыл сайын көбейіп барады. Бұл мәселені біз әр жиында көтереміз. Біздің ойымызша, термиттер Маңғыстау облысының Боранқұл жағынан келген, — дейді тұрғындар.

Жылыой ауданының әкімдігі термиттермен күресуге 3,8 млн теңге бөлінгенін хабарлады. Жұмыстар «Ихсанов» ЖК-на тапсырылды.

Термиттер анықталған 24 тұрғын үй мен бір әлеуметтік нысан залалсыздандырылуы тиіс. Жұмыстар алты айға есептелген. Сонымен қатар мамандар басқа үйлер мен аулаларды да тексеріп жатыр.

«АЖ» анықтамасы. Термиттер ағашпен және басқа да өсімдік материалдарымен қоректенеді. Құрылыстар үшін қауіптілігі сол — олар ағашты ішінен бүлдіреді, сондықтан зақымданған жерлерді бірден байқау әрдайым мүмкін бола бермейді.

Ләззат ҚАРАЖАНОВА

Бүгін, 09:16

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.