​Қымыз ішкен жүргізуші сотталып, өмір бойына куәлігінен айырылды

Ақмола облысының тұрғыны көлікті тағы да мас күйінде басқарғаны үшін бір жылға бас бостандығынан айырылды.

Енді оған көлік құралын басқаруға өмір бойына тыйым салынды.

Бұған дейін ер адам бір жыл мерзімге жүргізуші куәлігінен айырылған болатын, бірақ соған қарамастан қайтадан рөлге мас күйінде отырған.

Сотта айыпталушы өз кінәсін мойындап, оның алдында көп мөлшерде қымыз ішкенін айтып түсініктеме берді. Мемлекеттік айыптаушы оның кінәсін дәлелдейтін айғақтарды ұсынды.

Жаза тағайындау кезінде сот кінәні мойындауын және ер адамның кәмелетке толмаған балаларының бар екенін ескерді. Үкім заңды күшіне енді.