В Атырау +17 
«Қазгидромет» РМК 28 тамызға Қазақстанның бүкіл аумағында дауылды ескерту жариялады. Елорда мен өңірлердің басым бөлігінде ауа райы күрт өзгереді деп күтіледі: нөсер жаңбыр мен бұршақтан бастап шаңды дауыл мен аптап ыстыққа дейін.
Астанада 28 тамызда кей уақыттарда найзағай ойнап, жаңбыр жауады, күндіз бұршақ жаууы мүмкін. Солтүстік-батыс және солтүстік жел күндіз күшейіп, екпіні 15–20 м/с-қа жетеді.
Шымкент пен Түркістан облысында төтенше өрт қаупі сақталады. Облыстың солтүстігінде күндіз шаңды дауыл соғуы мүмкін, ал таулы аудандарда желдің екпіні 15–20 м/с-қа дейін жетеді.
Солтүстік және орталық өңірлер:
Ақмола және Солтүстік Қазақстан облыстары: синоптиктер жаңбыр, найзағай, дауыл және бұршақ жауатынын болжайды. Түнде және таңертең тұман түсіп, желдің екпіні 15–20 м/с-қа жетеді.
Павлодар және Қостанай облыстары: найзағай ойнап, жаңбыр жауады, желдің екпіні 20 м/с-қа дейін күшейеді. Қостанай облысының басым бөлігінде жоғары және төтенше өрт қаупі сақталады.
Қарағанды облысы мен Ұлытау облысы: жаңбыр, бұршақ, тұман болып, желдің екпіні 15–20 м/с-қа дейін жетеді деп күтіледі. Өңірлердің оңтүстігінде төтенше өрт қаупі сақталады.
Оңтүстік және оңтүстік-шығыс:
Алматы облысы мен Жетісу облысы: күндіз ауа температурасы +35 °C-қа дейін көтеріліп, аптап ыстық сақталады. Желдің екпіні 18–20 м/с-қа дейін жетуі мүмкін (Алакөл көлдері маңында).
Жамбыл және Қызылорда облыстары: Қызылорда облысының орталығында шаңды дауыл соғып, желдің екпіні 20 м/с-қа дейін жетеді деп болжанады. Жамбыл облысының таулы аудандарында қатты жел күтіледі. Екі өңірде де жоғары өрт қаупі сақталады.
Батыс және шығыс:
Маңғыстау, Ақтөбе, Атырау және Батыс Қазақстан облыстары: Маңғыстау облысында найзағай ойнап, желдің екпіні 20 м/с-қа дейін жететін аздаған жаңбыр жауады. Төрт өңірдің барлығында төтенше өрт қаупі басым.
Шығыс Қазақстан облысы мен Абай облысы: түнде және таңертең тұман түсуі мүмкін, ШҚО-ның оңтүстік-шығысында желдің екпіні 18 м/с-қа дейін жетеді.