В Атырау +28.8 
Қазақстанның Орталық сайлау комиссиясы Құрылтай депутаттарын ресми түрде тіркеді. Барлық 145 халық қалаулысы ОСК-ның XVI отырысына қатысып, тиісті куәліктер мен төсбелгілерді алды.
ОСК төрағасының орынбасары Мұхтар Ерман хабарлағандай, тіркелген депутаттар бес саяси партияның атынан өкілдік етеді:
«Әділет» — 110 мандат;
«Ауыл» — 10 мандат;
«Respublica» — 9 мандат;
ЖСДП — 8 мандат;
«Ақ жол» — 8 мандат.
ОСК басшысы Нұрлан Әбдіров заңнамаға сәйкес парламентарийлердің өкілеттіктері комиссия оларды тіркеген сәттен бастап тікелей күшіне енетінін еске салды.
« Енді сіздер – елдегі заң шығарушы билікті жүзеге асыратын жоғары өкілді орган – Қазақстан Республикасы Құрылтайының депутаттарысыздар. Құрылтай депутаттары төте сайлау құқығы негізінде сайланды. Сайлау науқанының барлық кезеңі заңнама талаптарына қатаң сәйкестікпен ұйымдастырылды. Депутаттық мандат – халықтың сенімі мен таңдауының нәтижесі. Ал Құрылтай депутатының мәртебесі әрқайсыңызға еліміз бен халқымыздың алдында үлкен жауапкершілік жүктейді», — деді жиналғандарға қарата Әбдіров.
Орталық сайлау комиссиясының мәліметінше, сайлау науқанының барлық кезеңдері заң талаптарына қатаң сәйкестікте өтті. Отырыс соңында Нұрлан Әбдіров парламентарийлерге төсбелгілер мен куәліктерді жеке өзі табыс етті.