В Атырау +29.8 
Атырау облысында тағы 41 тарихи-мәдени нысан мемлекеттің күшейтілген қорғауына алынды. Жыл басынан бері мамандар олар үшін арнайы қорғау аймақтарын белгіледі, деп хабарлайды Өңірлік коммуникациялар қызметі.
Ауқымды жұмыс өңірді кешенді зерттеу аясында жүргізілді. Арнайы экспедициялық топ 20 күн ішінде облыстың төрт ауданындағы 171 нысанға мониторинг жүргізді:
Қызылқоға ауданы: 90 нысан;
Құрманғазы ауданы: 40 нысан;
Индер ауданы: 34 нысан;
Исатай ауданында 7 нысан тексерілді.
Жүргізілген сараптамалардың қорытындысы бойынша зерттелген 80 нысанға тарих және мәдениет ескерткіштері мәртебесін ресми түрде беру туралы шешім қабылданды.
Жаңа мәліметтерді ескере отырып, Атырау облысында бекітілген қорғау аймақтары бар объектілердің жалпы саны 221-ге жетті (бұған дейін бұл мәртебеге 180 ескерткіш ие еді). Келесі кезеңде мамандар барлық нысандардың кадастрлық және жоспарлау құжаттарын рәсімдеп, оларды тарихи-сәулет тірек жоспарлары мен карта-схемаларына енгізеді.