В Атырау +30.4 
Қазақстанда төртінші мұнай өңдеу зауытын (МӨЗ) салу үшін арнайы алаң таңдалып жатыр. Энергетика вице-министрі Ерлан Ақкенженовтің айтуынша, жаңа кәсіпорынның қуаттылығы жылына 10 миллион тоннаға дейін мұнай өңдеуге жетеді.
Қазіргі уақытта мамандар нысанды орналастыру үшін 4 ықтимал өңірді қарастыруда:
- Маңғыстау облысы
- Атырау облысы
- Түркістан облысы
- Ұлытау облысы
Қазіргі таңда «Самұрық-Қазына» қоры жобаның техникалық-экономикалық негіздемесін (ТЭН) әзірлеп жатыр. Орынды таңдау кезінде басты факторлар ескеріледі: электр энергиясы мен су ресурстарының қолжетімділігі, сондай-ақ дайын көлік-логистикалық инфрақұрылымның болуы.
Мұнай өңдейтін жаңа алып зауыттың дәл қай жерде бой көтеретіні туралы түпкілікті шешім ағымдағы жылдың соңына дейін қабылданады деп жоспарлануда.
Бұл жобаны жүзеге асыру ішкі нарықтың отынға деген қажеттілігін толық жауып, үлкен экспорттық әлеуетті қалыптастыруға мүмкіндік береді деп күтілуде.