В Атырау +30.4 
Үкімет отырысында Қаржы министрі Мәди Такиев 2027–2029 жылдарға арналған республикалық бюджет туралы заң жобасын таныстырды. Мемлекеттің 2027 жылғы шығыстары 30,2 триллион теңге көлемінде жоспарланған, бұл ағымдағы кезең көрсеткіштерінен 2,5 триллион теңгеге артық.
2027 жылға арналған негізгі қаржылық көрсеткіштер:
Кіріс: бюджетке түсетін кірістер 25,6 триллион теңге деңгейінде болжануда (ЖӨӨ-ге 12,9%).
Тапшылық: бюджет тапшылығы ЖӨӨ-ге 2,3% деңгейінде белгіленген.
Ұлттық қордан бөлінетін ақша: кепілдендірілген трансферт 2,4 триллион теңгені, нысаналы трансферт — 2 триллион теңгені құрайды.
Қаржы министрлігі басшысының айтуынша, Ұлттық қордан бөлінетін нысаналы трансферт қаражаты тек жалпыұлттық маңызы бар аса маңызды және инфрақұрылымдық жобаларды жүзеге асыруға ғана бағытталады.
Такиев үш жылдық бюджетті қалыптастырудағы басты басымдық ретінде жай ғана бөлінетін қаражатты көбейтуді емес, мемлекеттің әлеуметтік міндеттемелеріне, өңірлерді дамытуға және адам капиталына басымдық бере отырып, жұмсалған әрбір теңгенің жоғары тиімділігін қамтамасыз етуді атап өтті.