В Атырау +25.1 
Атырауда полиция қызметкері қаладағы дүкендердің бірінде кенеттен есінен танып қалған 32 жастағы әйелге дер кезінде көмек көрсетті.
Оқиға 21 тамыз күні сағат 13:50 шамасында болған. Атырау қаласындағы маркеттердің бірінде полиция департаментінің Жеке құраммен жұмысы жөніндегі басқармасының аға инспекторы, полиция майоры Роман Есмұханов өзін жайсыз сезініп, есінен танып құлаған 32 жастағы әйелді байқап, дереу көмекке келген.
Ол әйелдің жағдайын бағалап, қауіпсіздігін қамтамасыз ету үшін абайлап жатқызып, басын қорғап, тыныс алуын бақылаған. Жедел жәрдем келгенге дейін майор алғашқы медициналық көмек көрсетіп, жанынан табылды.
Бұл оқиға – полицейлердің азаматтардың қауіпсіздігіне деген жауапкершілігін және кәсіби міндетіне бейжай қарамайтындығын айқын көрсетеді. Роман Есмұхановтың жедел әрі сабырлы әрекеті әйелге қажетті медициналық көмек көрсетілгенге дейін оның өмірін сақтап қалуға мүмкіндік берді.