В Атырау +26.8 
Аякучо департаментінде орташа тереңдікте (108 км) болған жер сілкінісі елдің көптеген аймақтарында, соның ішінде астана Лимада да сезілді, деп хабарлайды АА.
Негізгі деректер
USGS магнитуданы 6,7 деп бағалады, ал IGP – 7,2.
Эпицентр Коракора қаласынан солтүстікке қарай 35 км жерде орналасқан.
Жер сілкінісі 13:00-де (жергілікті уақытпен) тіркелді.
Құрбандар мен ірі қираулар туралы ақпарат жоқ.
Толқындардың тереңдікте пайда болуы энергияның көп бөлігін жер бетіне жетпей сіңіріп, эпицентр маңында дүмпудің күші Меркалли шкаласы бойынша III–IV балл деңгейінде ғана сезілген.
Перу билігі халықты сақтық шараларын күшейтуге, эвакуация жоспарларын қайта қарауға және төтенше жағдайға арналған жиынтықтарды дайындауға шақырды.
Перу «Тынық мұхиттың отты белдеуі» аймағында орналасқандықтан, мұнда жиі жер сілкінісі болады. 2007 жылы Ика өңірінде болған 7,9 магнитудалы апат 600-ге жуық адамның өмірін қиған еді.