Эквадорда ұлттық аза күні жарияланды

83 рет қаралды

Эквадорда Ұлттық барлау орталығының (CNI) директоры Микеле Сенси-Контуги мен оның жұбайы Стефани Холлихан Кениядағы тікұшақ апатынан қаза тапқаннан кейін үш күндік ұлттық аза жарияланды, деп хабарлайды АА.

Жергілікті ақпарат құралдарының хабарлауынша, Eurocopter EC130 B4 үлгісіндегі тікұшақ Ололокве тауы маңында құлап, алты жолаушы мен ұшқыш қаза тапқан.

Президент Даниэль Нобоа Қытайдағы ресми сапары кезінде арнайы мәлімдеме жасап, Сенси-Контуги мемлекетке адал қызмет еткенін атап өтті. Үкімет оның отбасымен келісіп, мемлекеттік деңгейде қоштасу рәсімін ұйымдастыруды тапсырды.

Қаза тапқандар арасында америкалық медиаменеджер Хосе Альберто Суарес те бар. Ол Флоридадағы үш Telemundo телеарнасының президенті әрі бас директоры болған.

Кения билігі апаттың себебін анықтау үшін кең ауқымды тергеу жұмыстарын бастады.

Сенси-Контуги туралы: 44 жастағы Сенси-Контуги президент Нобоаның ең жақын серіктестерінің бірі саналды. Ол 2024 жылдың қаңтарынан бастап CNI-ді басқарды, сондай-ақ сол жылы бірнеше ай бойы үкімет министрі қызметін атқарды. Бұған дейін жеке секторда пластмасса, резеңке және биотехнология саласындағы компанияларда басшылық қызметтерде болған.

Бүгін, 12:08

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.