В Атырау +29.4 
Ресей қазақстандық мұнайдың барлық транзитін балтықтағы Усть-Луга портынан қара теңіздегі Новороссийскіге бағыттауды көздеп отыр. Жаңа маршрут тамыз айының соңынан бастап іске қосылып, кемінде қыркүйек соңына дейін жұмыс істемек, деп хабарлайды Reuters.
Агенттіктің дерегінше, Мәскеу осылайша қуатты балтық терминалдарын өз мұнайын экспорттауға босатуды жоспарлап отыр.
Қара теңізде дрондардың жиі шабуылдарына байланысты кеме иелері ресейлік мұнайды тасымалдауға танкерлер жіберуге барған сайын құлықсыз: тәуекелдер артты, ал жөнелтулер жиі кешіктіріледі.
Неге дәл қазақстандық мұнайды бағыттайды?
Қазақстандық KEBCO маркалы мұнай бойынша логистика жеңілірек көрінеді:
Қазақстан мұнайы халықаралық санкцияларға ілікпейді.
KEBCO мұнайын Новороссийсктен тасымалдауға танкерлер табу ресейлік сорттарға қарағанда әлдеқайда оңай.
Алайда Қара теңіздегі маршруттың қауіпсіздігі әлі де күмәнді.
Жуырда, 15 тамызда, Новороссийск портына кезекті БПЛА соққысынан кейін мұнай жөнелту уақытша тоқтатылған еді. Терминал екі күннен соң ғана жұмысын қайта жалғастырды, ал бірінші болып қазақстандық мұнай тиелген танкер жүктеуге кірісті.