Малайзияда 16 жасқа дейінгі балаларға әлеуметтік желілерге шектеу қойылды

84 рет қаралды

Малайзияда 2026 жылғы 1 маусымнан бастап 16 жасқа дейінгі балаларға әлеуметтік желілерде аккаунт ашуға тыйым салынды, деп хабарлайды АА.

Енді Facebook, Instagram, TikTok және YouTube сияқты платформалар міндетті түрде жасын тексеру жүйесін енгізуі тиіс.

Бұл шара жастарды зиянды контенттен қорғау мақсатында қабылданды. Малайзияның Коммуникациялар және мультимедиа комиссиясы компанияларға жаңа талаптарды енгізу үшін өтпелі кезең берілетінін хабарлады. Ережені сақтамаған платформаларға 2,5 млн АҚШ долларына дейін айыппұл салынуы мүмкін.

Әлемдік тәжірибеде бұл бағыт күшейіп келеді: Австралия 2025 жылдың желтоқсанында алғаш болып заң қабылдаса, Индонезия 2026 жылдың наурызында Оңтүстік-Шығыс Азияда бірінші болып осындай шектеу енгізді. Еуропадағы Польша, Дания, Франция, Испания, Грекия және Ұлыбритания да ұқсас қадамдарға дайындалып жатыр.

Бүгін, 16:36

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.