В Атырау -10 
Иран Ислам Республикасы стратегиялық маңызы бар Ормуз бұғазы арқылы барлық коммерциялық кемелердің еркін қозғалысына ресми түрде рұқсат берді. Бұл шешім Ливандағы оқ атуды тоқтату туралы уағдаластықтарға қол жеткізілуімен байланысты, деп жазады Caliber.
Иран СІМ басшысы Аббас Арагчи бітімгершілік кезеңінде бұғаз арқылы өту қауіпсіз әрі сауда флоттары үшін толықтай ашық болатынын мәлімдеді.
«Ливандағы оқ атуды тоқтату туралы келісімге сәйкес, Ормуз бұғазы арқылы барлық коммерциялық кемелердің өтуі бекітілген бағыт бойынша бітімгершілік мерзімі аяқталғанға дейін толық ашық деп жарияланады», — деп атап өтті Арагчи.
Кемелер қозғалысы бұған дейін Иранның Порттар мен Теңіз ұйымы белгілеген арнайы дәліз арқылы жүзеге асырылады.
Бұл оқиғаның маңызы неде?
Ормуз бұғазы әлемдік энергетика нарығының «бас күретамыры» болып саналады. Дүниежүзінде тұтынылатын мұнайдың бестен бір бөлігі дәл осы өткел арқылы тасымалданады. Бұл аймақтағы кез келген шектеулер шикізат бағасының дереу өсуіне алып келеді, бұл өз кезегінде Қазақстан сияқты мұнай өндіруші елдердің валюта бағамына тікелей әсер етеді.
Сарапшылардың пікірінше, бұғаздың ашылуы соңғы күндері жеткізілім қауіпсіздігіне қатысты алаңдаушылықтан рекордтық деңгейге көтерілген мұнай котировкаларының тұрақталуына ықпал етуі мүмкін.