В Атырау -10 
Қазақстандық вайнер Мейіржан Төребаев үйіне оралды. Бұл туралы әлеуметтік желілерде блогердің өзі және жұбайы Дана Есеева хабарлады.
Төребаевтар отбасы алдын ала дайындық жасаған. Дана Есеева үйден әсерлі кадрлар жариялап, отбасы басшысын қарсы алу үшін баспананы безендіргенін, асүйде мерекелік дастархан әзірленгенін көрсетті.
Өзі де әлеуметтік желіде жазба жариялаған Мейіржан Төребаев өткен кезеңдегі сезімдерімен және ойларымен бөлісті.
«Сыртқы өмірде еркіндіктен айырылғанда, ішкі еркіндігімді таптым. Демек, солай болуы тиіс еді», – деп жазды ол.
Жарияланған пост әлеуметтік желі қолданушылары арасында үлкен реакция тудырды. Пікірлерде жазылушылар ондаған қолдау сөздері мен оралуына байланысты құттықтаулар қалдырды.
Еске сала кетейік, 2023 жылдың маусымында Мейіржан Төребаев пен Мейірхан Шерниязов қаржы пирамидасын ұйымдастырды деп танылып, бес жылға бас бостандығынан айырылған болатын. Екеуі де 2022 жылдың сәуірінде қамауға алынған еді.
Бұған дейін, 2025 жылдың 3 шілдесінде, Мейірхан Шерниязовтың босатылғаны белгілі болған.