В Атырау -10 
2026 жылғы 25 қаңтарда Атырау қаласында жүргізілген атмосфералық ауаның мониторингі қорытындылары туралы облысы табиғи ресурстар және табиғат пайдалануды реттеу басқармасына сілтеме жасай отырып, өңірлік коммуникациялар қызметі хабарлады.
Қала тұрғындарының ауа сапасына қатысты өтініштеріне байланысты “Қазгидромет” РМК-ның Атырау облыстық филиалы мамандары кезекшілік уақытында атмосфералық ауа сапасын тексерді.
Атмосфералық ауаның сынамасы Кеңөзек ауылдық округіне қарасты Тасқала ауылына, Тасқала ауылына іргелес аумақта, Химиктер ауылына жүргізілді.
Жүргізілген зертханалық талдау атмосфералық ауада күкіртсутектің шекті рұқсат етілген концентрациядан асқанын көрсетті. Тасқала ауылында — 17,5 есе, Тасқала ауылына іргелес аумақта — 15,0 есе, Химиктер ауылында — 36,3 есе асқан.
Сынама алу кезіндегі метеорологиялық жағдай: желдің бағыты — солтүстік-солтүстік-шығыс, ауа температурасы — –9 °C, ауаның салыстырмалы ылғалдылығы — 81 %.
Деректер қолданыстағы заңнама аясында тиісті шаралар қабылдау мақсатында уәкілетті мемлекеттік органдарға жолданады.
Бұған дейін «Сая» бау-бақша қоғамының тұрғындары АМӨЗ маңында күкіртке ұқсас өткір иістің бар екеніне шағымданған еді.