В Атырау -1 
Атырау облыстық санитариялық-эпидемиологиялық бақылау департаменті қала тұрғындарының ауыз судан хлор иісі шығады деген шағымдарына түсініктеме берді.
Тұрғындарға түскен көптеген шағымдарға байланысты Алмалы ауылы, Береке ауылындағы №5 сүзгі станциясы, Амангелді ауылы және Белинский көшесіндегі су құбырларынан ауыз су сынамалары алынды.
Суды паразитологиялық, вирусологиялық, санитарлық-химиялық және микробиологиялық көрсеткіштер бойынша зерттеу нәтижесінде ешқандай сәйкессіздік анықталмағаны хабарланды.
Зерттеу нәтижесінде паразитологиялық, вирусологиялық, санитариялық-химиялық және микробиологиялық көрсеткіштер бойынша ешқандай сәйкессіздік анықталған жоқ.
Еске салайық, қараша айының соңында тұрғындар ауыз судан жағымсыз иіс сезілетінін хабарлаған еді. Кейін коммуналдық қызмет өкілдері бұл құбылыстың маусымдық екенін айтып, судың сапасы қалыпты екенін жеткізген.
Айнұр САПАРОВА