Спорт жаңалықтары

26 қазанда Алматы қаласында көркем гимнастикадан жасөспірімдер мен балалар арасындағы республикалық байқау өтті.

Жеңімпаздар қатарында Атырау қаласынан келген апалы-сіңлілі Аяулым (7 жас) мен Асылым (4 жас) Мутиева бар. Олар 2022 жылдан бері жаттықтырушы Аяжан Жақсылыққызының жетекшілігімен дайындалып келеді. Тәжірибелі бапкердің еңбегінің арқасында жас спортшылар бірінші орынды иеленді.

***

Павлодарда өткен республикалық «Көңілді дельфин» атты жүзу бойынша турнирдің 3-кезеңінде Атырау спортшылары табысты өнер көрсетті. 

Жарысқа еліміздің 29 қаласынан 387 спортшы қатысты. Иван Чесноков 400 және 50 метр қашықтықтарда екі күміс жүлде жеңіп алды. Ал әйелдер құрамасы 4×50 метрлік эстафетада үшінші орын иеленді. Команда құрамында — Дария Мейрам, Айша Бисенова, Айдын Айкелбет және Шолпан Мырзағалиева бар.

***

Атырау облысының стенд атудан құрамасы Шымкент қаласында өтетін халықаралық турнирге аттанды. 

Сондай-ақ, осы қалада 2012 жылы туған жасөспірімдер арасындағы Қазақстан чемпионаты басталады деп күтілуде. Облыстың бас жаттықтырушысы Айдос Дәулетов команданың жоғары нәтиже көрсетуге ниетті екенін атап өтті.

Ләззат ҚАРАЖАНОВА, Мұрат СҰЛТАНҒАЛИЕВ