Сапасыздық сансыратты

Екі жыл бұрын Болашақ ықшамауданына салынған №46 үйдің жылылықты сақтайтын сылағы опырылып түскеннен кейін («Сапасыз сылаққа кім жауап береді?» жарияланымын қараңыз) тура үш айдан соң металл жабыны ұшып кетті.

Тағы да бұл проблеманы шешетін ешкім жоқ – құрылыс салушы «СнабОйлСтрой» компаниясы іс жүзінде қызметін тоқтатты. Сатыбалдиев көшесі, 45-ші үй мекен-жайы бойынша орналасқан кеңсе қаңырап тұр.

Коммуналдық және арендалық баспаналарға қызмет көрсетумен айналысатын «Атырау қаласындағы тұрғын үйлерге коммуналдық қызмет көрсету» ЖШС-нің директоры Асылбек МҮЛІКОВ ахуалға былай деп түсінік берді:

- Үй құрылысы аяқталғаннан кейінгі кепілдік мерзімі әлі өткен жоқ. Бірақ сұрайтын ешкім жоқ. Мен осы проблеманы шешу үшін көмек сұрап, қалалық әкімдікке бармақшымын.

Мұрат СҰЛТАНҒАЛИЕВ

Суретті түсірген Қанат ЕЛЕУОВ