Атыраулық параспортшылар пара-армрестлинг бойынша Азия чемпионатында​ 13 алқа жеңіп алды

2-7 мамыр аралығында Үндістанның Дели қаласында пара-армрестлингтен Азия чемпионаты өтті. Бұл жарысқа 21 елден 300-ден астам тірек-қимыл аппараты мен есту қабілеті бұзылған спортшылар қатысты.

Қазақстан құрамасы сапында 51 спортшы, оның ішінде Атырау облысынан 7 параатлет өнер көрсетті. Олар өңірлік спорт клубының атынан сынға түсті.

Атырау командасы тамаша нәтиже көрсетіп, 6 алтын және 7 күміс медаль жеңіп алды.

Алтын медаль иегерлері:

• Асылан Қайрушев – 2 алтын (оң және сол қол, 90 кг дейінгі категория)
• Нұрым Аманов – 1 алтын (оң қол, 80 кг-нан жоғары категория)
• Бекзат Рахымжанов – 3 алтын (екеуі – жастар арасында +65 кг, біреуі – ересектер арасында 80 кг дейінгі категория).

Күміс медаль иегерлері:

• Нұрым Аманов – 1 күміс (сол қол, 80 кг-нан жоғары категория)
• Медет Сұпығалиев – 2 күміс (оң және сол қол, 65 кг дейінгі категория)
• Қажымұхан Нұрмағанбетов – 1 күміс (сол қол, 70 кг дейінгі категория)
• Есенжан Максотов – 2 күміс (оң және сол қол, 100 кг дейінгі категория)
• Қалыбай Тұрдалиев – 1 күміс (оң қол, 70 кг дейінгі категория)

Атыраулық спортшылардың бұл жетістігі Қазақстан құрамасының жалпы нәтижесіне үлкен үлес қосты.