Атыраудан шыққан жас шахматшы әлем чемпионы атанды

961 просмотра

7 жасар Абдул-Мәлік Қайрат Сербияның Врнячка-Баня қаласында өткен FIDE World School Chess Championships 2025 әлем чемпионатында классикалық шахматтан өз жас санатында әлем чемпионы атанды.

Ол барлық қарсыласын тізе бүктіріп, 9-тур басталмай жатып-ақ чемпиондық атағын қамтамасыз етті. Шешуші кезеңде ол үндістандық басты қарсыласын жеңіп, турнирдегі керемет жеңісін толықтай дәлелдеді.

Бұл жарысқа 44 елден 470 жас шахматшы қатысқан. Қазақстандық жасөспірімдер жалпы 8 медаль иеленді: 4 алтын, 3 күміс, 1 қола. Осылайша, біздің құрама командалық есепте бірінші орынға шықты. Екінші орынға Өзбекстан (3 алтын), үшінші орынға Моңғолия тұрақтады.

Абдул-Мәлік Қайрат қазіргі таңда Астана қаласында тұрады. Оны бірнеше жыл бойы атыраулық шахматшы Жәнібек Аманов жаттықтырды. Нәтижесінде, 2022 жылы Атырауда өткен Atyrau Chess Festival халықаралық турнирінде 4 жасында ең жас шахматшы атанып, арнайы номинация иегері болған еді.

Айта кетейік, Жәнібек Амановтың тағы бір шәкірті Зарина Нұрғалиева қазірдің өзінде үш дүркін әлем чемпионы атанып үлгерді.

Нұрбейбіт НҰҒЫМАНОВ

31 наурыз, 19:15

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.