В Атырау 0 
«Емші» Кейқуат Оспановтың 9 жасар қыздан «жын шығару» сәті түсірілген видео қоғамда үлкен резонанс тудырды.
Бұл жағдайға Оқу-ағарту министрлігінің Балалар құқығын қорғау комитеті түсініктеме берді.
«Мұндай оқиғаға мүлде жол беруге болмайды. ҚР Оқу-ағарту министрлігі Балалардың құқықтарын қорғау комитеті бұл жағдайды өз бақылауына алды. Қазіргі уақытта балаға оқиғаның салдарын барынша азайту мақсатында кәсіби психологиялық көмек көрсетілуде», - делінген хабарламада.
«Баланың денсаулығы мен әл-ауқатына қауіп төндіретін кез келген мұндай әрекеттерге жол берілмейтінін атап өту маңызды. Министрлік Қазақстанда балалардың құқықтарын қорғауды қамтамасыз ететін заңдар мен нормаларды сақтау қажеттігін еске салады», – деп ескертті ведомство.
Еске салсақ, Бала құқықтары жөніндегі Атырау өңірлік уәкілі Айжан Сәрсембаева жын шығару сеансы жасалған қызға қатысты жағдайға тоқталған болатын.