Елтайда ауыл тұрғынына қасқыр шапқан

19 желтоқсан күні Индер ауданы Елтай "Көктөбе" қыстағында адамға қасқыр шабуыл жасаған.

- Оқиға сол күні күндіз малға шөп салуға барғанда орын алған. Ақыры шөп ауласында жатқан болуы керек, шаруа Болат Сариевке тіке шабуыл жасап, қолын тістеп жарақаттаған. Әкесінің айқайына балалары дер кезінде  көмекке келіп, түз тағысын айырмен түйреп өлтіріпті. Бұл құтырған түз тағысы ма, анықтау үшін сараптамаға Атырауға жіберілді,-дейді Елтай округінің әкімі Дулатбай САРИЕВ. 

Айтпақшы, бұдан бұрын 17 желтоқсанда осы ауданның Есбол ауданына қарасты «Қараоба» учаскесінде қасқыр қойшыны жеңіл жарақаттап, ғайып болған еді.

Ләззат ҚАРАЖАНОВА