​Жылыойда алғаш рет жүрек қан тамырларына ота жасалды

18 желтоқсанда Жылыой аудандық ауруханасында алғаш рет жаңа технологиямен жабдықталған “Ангиограф” аппаратының көмегімен жүрек қан тамырларына ота жасалды.

Бұл күні медицина ғылымының докторы, профессор, кардиохирург Қадырбек РАМАЗАН 9 науқасқа күрделі ота жасады. Білікті маманға кардиореаниматолог, интервент Мырзабек МУСТАХИЕВИЧ көмектесті. Операция үстінде профессор аудандық аурухана дәрігерлеріне бар білгенін үйретті.

- Ауруханға қондырылған замануи құрылғының көмегімен енді дәрігерлер ауданымызға қарасты елді-мекендердің тұрғындарына медициналық қызмет көрсете алады, - дейді аудандық аурухананың бас дәрігері Асұлан АБДРАХМАНОВ. - Бұрын науқастар Атырауға баруға мәжбүр болған еді, енді ота осы жерде жасалады. Қазір жүрек, қан тамырларына ота жасату үшін кезекте 48 адам тұр. 

Ләззат ҚАРАЖАНОВА