В Атырау +1 
Әлеуметтік желіде полицейлер мен қала тұрғындары арасындағы жанжалдың видеосы тарады. Жанжалға басты көшедегі жолдардың жабылуы себеп болған.
Қала тұрғындары полицияның өздерін өткізбегеніне наразы болды. Әйелдердің бірінің пікірінше, жолды жұма намазына байланысты жауып тастаған.
«Жолды қандай негізде жаптыңыздар? Мен үйге баруым керек. Неге бұлай болып жатыр?» - деп ашуланды автоледи.
Атырау облыстық полиция департаменті бұл жағдайға қатысты түсініктеме беріп, жолдардың жабылуына жұма намазының еш қатысы жоқ екенін айтты.
«Әлеуметтік желіде патрульдік полиция қызметкерлері мешіттегі жұма намазына байланысты көлік қозғалысын шектеді деп тараған ақпарат шындыққа жанаспайды. Құлманов көшесіндегі жол-көлік оқиғасы салдарынан кептелісте тұрып қалған көліктерді реттеу үшін қозғалыс уақытша тоқтатылды», - деп хабарлады полицияның баспасөз қызметі.
Нұрбейбіт НҰҒЫМАНОВ