Спорт жаңалықтары

Ташкентте кекушинкай каратэден Азия чемпионаты өтті.

Қазақстан құрамасы жақсы өнер көрсетіп, жеңіп алған медальдары қарсылас командалардан көп болды. Ұлттық құрама сапында Атырау облысының құрамасы да көзге түсіп, 9 медаль жеңіп алды: 3 алтын, 1 күміс және 5 қола. Атырау облысының құрамасы сапында Карина ДОСИМОВА, Ақасыл АСЫЛБЕКҚЫЗЫ және Матвей ГУЩИН Азия чемпионыатанды. 

***

Манамада пара-таэквондодан «Bahrain open» рейтингтік турнирі өтті. Атыраулық спортшылар медальдардың толық жиынтығын жеңіп алды.

80 келіден жоғары салмақта Әлішер ҒАРИПОЛЛАЕВ жеңімпаз болды. Мәриям СӘЛІМГЕРЕЕВА 65 келі салмақ дәрежесінде күміс медальға қол жеткізді. 75 келі салмақта Қуандық САҒЫНДЫҚ қола жүлдегер атанды.

***

Астанада джиу-джитсудан ерлер мен әйелдер арасында ҚР чемпионаты өтті. Атыраулық команда 6 алтын, 3 күміс және 6 қола медаль жеңіп алды.

Әлішер АҚЖІГІТОВ, Әйгерім ТӨРЕҒОЖИНА, Азамат МАНАШЕВ, Мұхамед-Рахым МЫРЗАБЕК, Мәдина БАҚЫТЖАН, Нұрхат ҒАЗЕЗОВ ел чемпионы атанды. 

***

10-14 желтоқсанда Алматыда муай-тайдан (U-23) жастар арасында ел кубогы өтті.

Жақсы өнер көрсеткендер қатарында Сайын НҰРХАН – 2 күміс (91 келіден жоғары), Мансұр ОҢДАСЫН (60 келіге дейін), Арсен МАРАТҰЛЫ (54 келіге дейін) және Арсен БИСЕМБАЙ (51 келіге дейін) қола медаль жеңіп алды.

Сайын Нұрхан «болашағы зор жас спортшы» атағына ие болды.

***

10-14 желтоқсанда Солтүстік Қазақстан облысының Петропавл қаласында кикбоксингтен ерлер мен әйелдер арасында ҚР чемпионаты өтті.

Өзгелердің қатарында Жандос НАЗАРБЕКОВ бұрын ҚР чемпионаттарында қатысқанда республикалық біріншіліктерден 10 алтын медаль жеңіп алған. Жандос – Қазақстанның он дүркін чемпионы, екі дүркін әлем чемпионы, әлем чемпионатының қола жүлдегері, Әлем кубогының екі дүркін жеңімпазы, 2024 жылғы Азия чемпионы, сонымен қатар ҚР еңбек сіңірген спорт шебері. 

«К1» кәсіби нұсқасы бойынша – толық келісім-шарт, біздің кейіпкердің өз статистикасы бар – 17 жекпе-жек, оның 15-де жеңіске жетсе, екеуінде жеңіліп қалды. 

Мұрат СҰЛТАНҒАЛИЕВ